( ابيات )
الله يرزقني مع طلعة الصبح
رزقٍ يغيّر فيه مجرى حياتي
----------------
الرقاب منكسة واللحى تقطر دموع
والحزن خيّم على صدورنا واحتلها
يوم صلينا الصلاة اللي بليا ركوع
كني مصلي على امة محمد كلها
----------------
مايزيد جروحنا غير جحّاد الجميل
لو عطيته كل دنياك مايثمر معه
----------------
ياخي اضحك للحياة ان ضايقتك همومك
والله ان الضحك اخير من الدموع بواجد
----------------
ليت الزمن يمشي على كيفي شوي
واخذك لو ما هو بكيفك .. بكيفي
----------------
من قلة الحيلة ومن زود الاحزان
لو اركي الدلة على الصدر فاحت
----------------
ياليت الايام في يديني وارجّعها
واعدّل اشياء ماكانت على بالي
----------------
انت لي في صبح الاشواق تعديلة مزاج
كن صوتك لا اصبح الصبح فنجال قهوة
----------------
في ذي الحياة اتعب على شان ترتاح
ولو ودك اكثر تستريح..!! اتعب اكثر
----------------
علّم عقارب ساعتك تصبر شوي
لهفة خفوقي سالفتها طويلة
----------------
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية