لي من الأماني أمنية

تعلمُها يارب

فحققها لي

ابيات...

 

قبل ليلتين آخر عهد لي بطعم النوم

وهو دايماً ماهوب يخلف مواعيده

من الطاري اللي فوق راسي مغير يحوم

ويبرك على صدري بضيقه وتنهيده

مراعيه والذكرى تزيد الهموم هموم

اتابع شريط الذاكرة وارجع اعيده

ماتنلام عيني من سهرها لكن اللوم

على واحدٍ دبَّر وانا ابغيه وآريده

عليك السلام ورحمة الله ياقلبي يوم

ماعشت الحياة اللي مشاويرها سيده

⁉️

 

تغريداتي...

 

رجّعوني للسنين الماضية لو ساعة

‏ودّي آخذ من مخابيها غرض وأعوّد

ياوسيع الحلم مَلَّتنا الحياة وجينا

تايهينٍ  وغير باب العفو مادوّرنا 

رُدّنا لرحاب رضوانك ليا زلّينا

الدروب تجرّنا .. ونفوسنا تامرنا

واغننا من حاجةٍ مع واحدٍ لاجينا

ما استحى من ثُقل جيّتنا .. ولاقدّرنا

عابرين .. وما على الدنيا ضمان

يالله الجنة .. وحسن الخاتمة

تقافت سنين العمر كله ووقتي راح 

‏ورى حلمي اللي لا نسيته ولا عشته

على صوته اللي يجرح القلب ويداويه 

‏رجع بي خيالي حول عقدين وشويه

‏يالبيه يا ذكرى اول العمر  يالبيه 

‏غفلت احسب انها ميته واثرها حيه 

ماتدرون ويش اللي خذيته وانا مابيه

سلام الختام .. ودمعتين الوداعية

( تـــــــــوق )

 

 

       ( تـــــوق )

جعل السحاب اللي له رعود وبروق

يمطر وسيَّل ماطره كل وادي

يامرحبا والقلب يطفر من الشوق 

ياللي مجيِّك شي ماهوب عادي

ياجعلني فدوة محياك ياتوووق

ياقطعةٍ مني وفلذة فؤادي

نوَّرتي ونورك على الارض من فوق

مثل القمر  يحرسك رب العبادي

( ابيات )

 
الله يرزقني مع طلعة الصبح
رزقٍ يغيّر فيه مجرى حياتي
                                ----------------
الرقاب منكسة واللحى تقطر دموع
‏والحزن خيّم على صدورنا واحتلها
‏يوم صلينا الصلاة اللي بليا ركوع
‏كني مصلي على امة محمد كلها
                                ----------------
مايزيد جروحنا غير جحّاد الجميل
‏لو عطيته كل دنياك مايثمر معه
                                ----------------
ياخي اضحك للحياة ان ضايقتك همومك 
‏والله ان الضحك اخير من الدموع بواجد 
                                ----------------
ليت الزمن يمشي على كيفي شوي
واخذك لو ما هو بكيفك .. بكيفي
                                ----------------
من قلة الحيلة ومن زود الاحزان
لو اركي الدلة على الصدر فاحت
                                ----------------
ياليت الايام في يديني وارجّعها
واعدّل اشياء ماكانت على بالي
                                ----------------
انت لي في صبح الاشواق تعديلة مزاج
كن صوتك لا اصبح الصبح فنجال قهوة
                                ----------------
في ذي الحياة اتعب على شان ترتاح
ولو ودك اكثر تستريح..!! اتعب اكثر
                                ----------------
 
علّم عقارب ساعتك تصبر شوي
لهفة خفوقي سالفتها طويلة
                                ----------------

ولما تلاقينا على سفح رامةٍ

‏وجدت بنان العامرية احمرا 

‏

فقلت خضبت الكف بعد فراقنا ؟

‏فقالت معاذ الله ذلك ما جرى

‏

ولكنني لما رأيتك راحلاً 

‏بكيت دماً حتى بللت به الثرى

‏

مسحت بأطراف البنان مدامعي

‏فصار خضاباً في اليدين كما ترى !!

يقال : اذا تنفس الصبح فاشبع روحك تفائلاً .. ثم اغلق ابواب اليأس .. وغادر كل عتبات التشاؤم .. وانظر الى الحياة وكأنها اجمل ماخُلِق ..

                       🌹 صباح الخير 🌹

‏سُبْحَانَكَ اللَّهُمَّ وَبِحَمْدِكَ

           أَشْهَدُ أَنْ لا إِلهَ إِلاّ أنْتَ

                      أَسْتَغْفِرُكَ وَأَتْوبُ إِلَيْك

وسائل التواصل :
https://twitter.com/f3n15
http://instagram.com/if3n15

                                        ﷽ 

وبه نستعين ،، ونصلي على خير الخلق اجمعين ﷺ :

"سبحانك اللهم يا من....

انت العالم بسرائرنا فأصلحها..

وأنت العالم بحوائجنا فاقضها.. 

وأنت العالم بذنوبنا فاغفرها.. 

وأنت العالم بعيوبنا فاسترها"

  ٢٦ مارس  ٢٠١٦ م

 ١٧ جمادى الآخرة ١٤٣٧ هـ

﷽

السلام عليكم ورحمة الله وبركاته

اهلاً وسهلاً بكم في المدونة الخاصة بي

ويشرفني متابعتكم لي وقراءة كتاباتي

( وكل مايطرح هنا مسؤليتي التامة ) 


 

اخوكم :  القرناس الشهراني 

   https://twitter.com/f3n15   🇸🇦